Ni 15.05.2024 (Nilaini) khan Mizoram Cooperative Apex Bank Limited, Head Office, Tuikual South-ah PACS Monitoring Committee Meeting neih a ni a. Mizoram hmun hrang hranga PACS 61-te hmalakna thlir hona leh an hmasawnna tura hmalak dan tur rel a ni.
Meeting hi Pu Lalnunsanga, Chairman, Apex Bank kaihruainaa neih a ni a, NABARD aiawh bakah BoD leh Bank official te an tel a. Tuna Mizoram PACS ding sa bakah ram hmasawnna tura PACS din belh zelna tura hmalak dan tur sawi ho a ni.
PACS-ten hlawk zawka ram leh mipui rawng an bawl theihna tura tuna PACS 25 Computerised tawh bakah computerized an nih belh dan turte, PACS thawktuten sum enkawl dan leh inrelbawlna kawnga thiamna an neihna tura training pek zel dan turte leh PACS la din lohna khuaa Awareness Campaign neih dan turte sawi ho a rel a ni.
PACS hi Primary Agriculture Credit Cooperative Society niin, Bank ang maia deposit leh loan pe thei tur Cooperative Society a ni a. A din tawhna khuate chuan an hlawkpui hle a ni.