Ni 21.06.2024 (Zirtawpni) hian Mizoram Cooperative Apex Bank Branch 28-na,  Durtlang Branch chu bialtu Minister Pu Vanlalhlana’n a hawng.

Hawnna inkhawm hi Pu Lalnunsanga, Mizoram Cooperative Apex Bank Chairman in a kaihruaia, Khuallian leh sawmbik ten Branch hawnna hun an hmanpui thei chu lawmawm a tih thu a sawi. 

Khuallian Minister chuan kalkhawmte hmaah Mizo Bank a nih anga khawtlang mipuiten tangkai taka Bank thar chu hmang turin a sawma. Mizoramah hian bank hrang hrang a awma chung zingah chuan Mizo mipuite hnena pawisa dawn atanga luangchhuak tha ber chu Mizoram Cooperative Apex Bank a nih thu sawiin Deposit atanga Loan pekchhuah tehna CD Ratio 78% lai anih thu a sawi. A mah ngei pawhin Apex Bank-ah Account neiin, a in leh lo din nana Apex Bank a hman tangkai thu sawiin Durtlang mipui te pawn hmang tangkai ve ngei turin a sawm a ni. Sawrkar nen pawha thawktlang zel turin Bank pawh a sawm bawk.

Pu A. Lallungmuana, Apex Bank CEO in report tawi pein Apex Bank chu bank zawng zawnga Mizoram mipui leh sawrkar-in neitunihna za a za (100%) a neihna Bank awmchhun a nih thu sawiin Deposit Vbc 1,508 neiin Loan Vbc 1,172 pek chhuah a ni.