Ni 12.06.2024 (Nilaini) khan Vanapa Hall, Aizawl-ah Mizoram Cooperative Apex Bank Ltd. 29th Annual General Assembly neih a ni a. He hunah hian Pu PC Vanlalruata, Minister, Cooperation chu Chief Guest a ni a. RCS, NABARD leh RBI hotute’n an telpui bawk a ni.

Pu Lalnunsanga, Chairman in Palaite lawmna thu a sawi zawh hnuin Upa B. Lalremliana, BoD chuan Pathian hnenah kan hun hman tur hlanna a nei chhunzawm a. CYMA Zaipawlin “Aw Nang, kan Lal, kan Pathian” tih hlain Assembly Palaite an awih zawh hnuah Pu A. Lallungmuana, Chief Executive Officer hnen atangin report ngaihthlak a ni. Kan Chief Guest Pu PC Vanlalruata hnen atangin thusawi tha tak ngaihthlak a ni. Tun tum Assembly-ah hian Society lam atangin palai mi 362 rawn telin, Society leh Branch ti tha te thlanchhuah niin, lawmman hlanna hun neih a ni. Hetiangin:

Society
1. CHAMPHAI LAMPS LTD
2. CHAMPHAI TOWN MULTIPURPOSE C/S LTD
    RATU LAMPS LTD
3. RABUNG FARMING C/S LTD

PACs & Non PACs
1. Luangmual Multipurpose C/S Ltd
2. Vaphai PACs Ltd
3. New Colony ‘E’ Agriculture Farming C/S Ltd
4. Bethel Women Multipurpose C/S Ltd
5. Khawlailung Multipurpose C/S Ltd

Branch
1. Vaivakawn Branch
2. Centenary Branch
3. Bawngkawn Branch

Session-II Rorel Inkhawm-na hunah heng a hnuaia Agenda tarlante hi sawi hova pawm an ni.

1. Annual Report (2023-2024)
2. Annual Statement of Account (2023-2024)
3. Distribution of Annual Profit (2023-2024)
4. Annual Target/Budget (2023-2024)